Frei Martín Sarmiento, ao que se lle dedicou o Día das Letras Galegas en 2001, é un personaxe fundamental para a cultura galega. A súa importancia vén dada polos seus escritos sobre a lingua galega, que estudou e denfendeu razoada e apaixoadamente na escuridade do século XVIII.

Este relato de Carlos Casares reúne moitas características que fan os seus textos inconfundibles e que lle valeron o aprecio de miles de persoas dentro e fóra de Galicia. Con esta historia graciosa e á vez simbólica do mundo da beiramar, con ilustracións de Enjamio, chíscanos un ollo, entretennos, divírtenos e dános que pensar, botando man do mellorciño da nosa tradición oral. É a historia dun rapaz que un día ve como un polbo xigante arrastra o criado Nicolás para baixo do mar, levándoo, polo que parece, canda si para sempre. E é tamén a historia da vella Delfina, que di que o pillabán do Nicolás só foi a unha festa, atraído pola música e animado por un xastre disfrazado de polbo. Pero as aparencias enganan -ou non, que nunca se sabe- e o desenlace sorprende. En resumidas contas, eis un libro como unha xoia ou, mellor, como unha comida saborosa, completa, pero lixeira e dixestiva.

Velaquí un libro que é a crónica dunha experiencia persoal e a especial homenaxe que Carlos Casares lle rende ao grande escritor norteamericano. Seguindo a pegada das referencias que Hemingway facía a Galicia en textos literarios e cartas —froito das súas visitas entre os anos 1921 e 1933—, Casares busca descifrar o misterio que se esconde detrás daquelas alusións. O resultado é un relato sorprendente escrito coa prosa amena e precisa de Carlos Casares e ilustrado con numerosas fotografías da época. Este libro de capa dura inclúe tamén as cartas de Hemingway nas que se refire a Galicia.

Este volume, prologado por Manuel Fraga, recolle materiais diversos sobre a figura de Risco: unha biografía escrita por Carlos Casares, unha entrevista de Arturo Lezcano a Antón Risco, fillo do escritor, e un exhaustivo compendio da súa bibliografía.

Esta biografía conta sucesos e incidencias da nenez de Fole, da súa mocidade universitaria e da súa aproximación ao galeguismo nos tempos da República. E por suposto, aparece tamén nestas páxinas o Fole escritor.

HISPANICA

Como xa explicamos na aventura titulada Toribio ten unha idea, o invento do Adiantador Lineal de Seguridade ocurréuselle a Toribio o día que foi cos seus pais a visitar a Casa das Ciencias da Coruña.